ها هو يأتي لبروكسل عاصمة أوربا الموحدة .. وكأنني اسمعه يردد مجرودة على طريقة بادية المنطقة الوسطى في ليبيافيقول:-
يانــا يامـا صـــــاير فيّــا
منكم يــاسمح الصيفــاتي
متغير.. ناكــر مــــاضيــه
نـــادم.. ومشّرط راياتي !!
ثاير هـــارب ما لقـوميـــــه
ْمخـــرب نجع ام ابهــــلاتي
اضحوكــــة حتى الأفريقيــة
بو مبـــداء عــــارف قيماتي
طــربـــان وفــــارح بالجيـــة
لـ((بروكسل)) والوقت مواتي
الكــم طايـح مالخـــوف رميـه
امغير انســوا ماضي لوقاتـي
أيـــام ونا نحــرث فـــي اميـه
غشيــم انتبـــع فــي رايــاتي
وتفجيــر الــركـــاب ضحيـــة
لــوكــربــي مــن تعليمـاتي
عبد الباســـط شــال قضيــة
ننهيها .. بالــدولاراتـي
مليــارات.. تكــون فــديـة
ندفـــع ..ونقــول اشوياتي
ملاهــي بــرلين الليليــة
تخلص من جبد حساباتي
حبيب اوربــــا.. الفنطازيا
اللي نسيت.. كـل رزلاتي
نفــرح ويـــن نقابــل زيه
(برودي).. بوقلب حنوناتي
(وبرلسكوني) نظيف النيه
زولـــه ديمه في مهاياتي
عليّا يخطــر .. وان عشيــة
وبيه نحلم.. وقت النوماتي
غــلاهم .. ماننسى طاريــة
اللـي فتحـولي .. البواباتــي
الهم مني ..في البال هدية
ليبيا فـوق طبق خيباتي !!!!
الاجدابي